Каевски: Рекордни инвестиции од 465 милиони евра

Bez autora

Jan 30 2023

Во 2022, во една од најкризните години во последните децении, успеавме да реализираме 465 милиони евра во капитални инвестиции, односно реализација на 90 отсто од предвидените капитални инвестиции за минатата година, изјави на прес-конференција портпаролот на СДСМ, Дарко Каевски.

Вели дека додека се множеа апокалиптични сценарија за македонската економија, СДСМ преку Владата и инситуциите што ги предводи успеала да обезбеди предвидлива деловна клима за домашните и за странски инвестиции, а тоа го потврдуваат и официјалните податоци.

„Во 2022 година имаме 2.300 нови работни места и над 430 милиони евра нови инвестиции во ТИР зоните. 16.300 граѓани работат во компаниите во индустриските зони низ целата држава и добиваат плати кои генерално се повисоки од државниот просек. Извозот од ТИР зоните во 2022 година, достигна 3,7 милијарди евра што меѓу другото се должи и на новоотворените работни места. Светската економска криза не го спречи растот на платите и пензиите. Во 2022 година минималната плата ја зголемивме на 18.000 денари, а просечната плата достигна над 33.000 денари или 550 евра. Пензиите се покачија во два наврати, а ново зголемување на пензиите ќе биде во март оваа година, согласно новата методолигија“, рече Каевски.

Во таа насока, како доказ за успешните економски политики, Каевски ја спомена и потврдата на кредитниот рејтинг на Стандард и Пурс и задржувањето на кредитниот рејтинг на ББ- со стабилен изглед.

Ocenite tekst