Investicije - Makedonija

Мицкоски: Во Неготино започна изградбата на нов градски пазар, инвестиција вредна над 24 милиони денари

Најави дека преку Министерството за локална самоуправа ќе биде објавен повик до општините, да поднесат проекти кои што ќе бидат финансирани од централниот буџет.

„Тоа што го добив како информација од градоначалникот веќе имаме некои такви проекти кои што се во фаза на одобрение за градба, значи веднаш може да се отпочне со процес на тендерирање и процес на реализација на тие проекти. И тоа е добро.

Добро е кога се гради, добро е да си ја развиваме државата затоа што тоа го очекуваат граѓаните од нас, тоа го ветувавме, за тоа и се залагавме дека ние чуда не можеме да ветуваме, ниту да се обврземе, чуда се невозможни, тие кои ветуваа чуда се лажговци.

Ние ветувавме многу работа, чесна работа, посветена работа, напорна работа и тоа го правиме во овие први 50 дена од оваа Влада предводена од ВМРО-ДПМНЕ и коалицијата Твоја Македонија, така и ќе продолжиме понатаму“, рече Мицкоски.

Важно е, според него, дека полека но сигурно надежта се враќа, оптимизмот се враќа и тоа е она кое, како што рече е нивна задача и нивна цел како Влада.