ТИРЗ и „Македонија 2025“ – унапредување на соработката во делот на поттикнување инвестиции | Investicije | Makedonija

ТИРЗ и „Македонија 2025“ – унапредување на соработката во делот на поттикнување инвестиции

Bez autora

Apr 25 2023

Директорот на ТИРЗ, Јован Деспотовски, оствари средба со еден од основачите на меѓународната невладина организација „Македонија 2025“, Мајк Зафировски, претседател на Заф-групацијата, и членовите на бордот, Никица Мојсовска-Блажевски, извршен директор на МК 2025, Живко Мукаетов, извршен директор и претседател на Управниот одбор во „Алкалоид“, и Виктор Мизо, директор на „Костал Македонија“.

Целта на средбата беше унапредување на соработката во делот на поттикнување и привлекување странски инвестиции во земјата и мобилизација на поддршката од етаблираните членови на организацијата во глобални бизнис-рамки. На средбата се разговараше за конкретни можности за соработка и размена на искуствата во однос на инвестициските активности.

Деспотовски им се заблагодари за досегашниот придонес на „Македонија 2025“ за поддршката и промоцијата на земјата како инвестициска дестинација. Директорот на ТИРЗ, меѓу другото, го презентира и новиот концепт за поттикнување инвестиции и можности за странски инвеститори со фокус на напредни технологии. Тој нагласи дека предноста на Северна Македонија како мала земја е тоа што поблиску се фокусира на реалните потреби на инвеститорите и креира соодветна поддршка.

Ocenite tekst